Murmuron Awen/Y Tyloty

← Y Sebonwr

Murmuron Awen gan Robert Roberts (Gwaenfab)

Gadewch i'r rhai hyn fyned ymaith →

Y Tyloty.

TY di-nod i blant anffodion;—y fan
Sy'n fynwent gobeithion,
Rhai clwyfus, bregus eu bron,
Di-gyfaill ond adgofion.

Yma'r ddiniwed dwylledig,—welw,
A chalon siomedig,
Ofnus ddaw, o fynwes ddig
Ei herch hudwr parchedig.

Rhyw haner carchar unig,—agorodd
Dyngarwch bonheddig;
Yn gartref llwm, trwm, lle trig
Yr isel gyda'r ysig.

Porth y bedd, annedd ddiwenau,—oeraidd
I aros am angau,
A'i awr i ddod i'w ryddhau,
Ac i dynu'r cadwynau.