Murmuron Awen/Ymson awen uwch bedd Havesp

← Er cof am Robert Evan

Murmuron Awen gan Robert Roberts (Gwaenfab)

Fy nymuniad →

Ymson awen uwch bedd Havesp.

GWIW enw'n hanes Gwynedd—yw Dewi.
A duwies cynghanedd
Yn welw fud—wylia'i fedd
O dan wawdiaeth dinodedd.

Ow! argel dawel Dewi,—noeth weryd
Heb lythyren arni,
Ond er heb rwysg—gloewder bri—oesol
Wres awen hudol erys i'w nodi.

Ar ei enw trwy Wynedd,—fe erys
Anfarwol anrhydedd,
Duwies can a chynghanedd
Hyd y farn ddynoda'i fedd,