O! Dewch i'r dyfroedd, dyma'r dydd

← Awn, bechaduriaid, at y dŵr

O! Dewch i'r dyfroedd, dyma'r dydd gan Richard Jones o'r Wern

Hwn ydyw'r dydd o ras ein Duw →

Mynegai Llyfr Emynau y Methodistiaid Calfinaidd a Wesleaidd 1930

291^[1] "O! deuwch i'r dyfroedd."
M. S.

1 O! DEWCH i'r dyfroedd, dyma'r dydd,
Yr Arglwydd sydd yn galw;
Tragwyddol ras yr Arglwydd Iôr
Sydd fel y môr yn llanw.

2 Heb werth nac arian, dewch yn awr,
Mae golud mawr trugaredd
A'i ŵyneb ar yr euog rai-
Maddeuant a'i ymgeledd.

3 O! dewch a phrynwch win a llaeth,
Wel dyma luniaeth nefol;
Prynwch heb arian a heb werth,
Mae ynddynt nerth tragwyddol.

4 Mae'r wledd yn barod, O! bwytewch,
A llawenhewch yn Seion;
Tragwyddol hedd i blant y llwch;
O! profwch ei bendithion.

Richard Jones, Wern, Llanfrothen

Ffynhonnell

1. Emyn rhif 291, Llyfr Emynau y Methodistiaid Calfinaidd a Wesleaidd 1930