Telyn Bywyd/Aden y Gân

Telyn Bywyd

gan Robert David Rowland (Anthropos)

Aden y Gan.

MEDDWL ar ei aden,
Dyna ydyw cân,
Fel ehedydd llawen
Yn y wybyr lân.

Huno wuai'r syniadau
Yn y nos ddi-wawr,
Fel y tryblith boreu,
Cyn y "Bydded" mawr.

Ysbryd gwyn yn ngharchar
Fu y gân, dan gudd,
Cyn i angel hawddgar
Agor dorau'r dydd.

Fel y del cawodau
At y blodyn gwyw,
Felly daw mynudau
Ysbrydoliaeth fyw.

Yna'r meddwl llonydd.
Hunai dan y llen,
Wisgir ag adenydd,
Gyfyd tua'r nen.

Bellach, hedfan, hedfan,
Ar ei aden gain,
Llawer calon egwan
Swynir gan ei sain.

Cana am y Wynfa,
Am y tlws a'r pur:
Cana nes anghofia'r
Fynwes am ei chur.

Cana drwy yr oesoedd,
Diflin yw ei hynt,
Ieuanc fel y nefoedd
Yw cân y dyddiau gynt.

Nodiadau