Telyn Bywyd/Gwywo yn y Gwanwyn

Telyn Bywyd

gan Robert David Rowland (Anthropos)

Gwywo yn y Gwanwyn.

AR ymyl werdd y Gwanwyn,
Mor anodd cloddio bedd!
Paham daeth angau'r adeg hon
I dori tannau hedd?

Paham y dygwyd ymaith,
O fysg ei theulu mân,
Un oedd a'i bywyd oll mor lawn?
Mor dyner, ac mor lân?

Fel hyn mae llawer holiad
Yn dod, yn welw'i wawr,
Ond dywed Un "Y peth a wnaed,
Nis gwyddost ti yn awr."

Nis gwelwn ni ond cwr y llen,
Ni wyddom ond o ran,
Ond ffy y nos, a daw y dydd—
"Cei wybod yn y man."

O Geidwad mwyn! dy gysgod dod
I'r teulu bach, di-nam,
A llanw Di y gwaglo wnaed
Ar ddiwrnod angladd mam!

Nodiadau