Telyn Bywyd/Hwyrgan ar y Mor

Telyn Bywyd

gan Robert David Rowland (Anthropos)

Hwyrgan ar y Mor.

DARFU'R dydd, a daeth y cyfnos
I orchuddio'r ehang fôr,
Ninnau ganwn-melus ganwn-
Gân o fawl i'n Harglwydd Ior
Am ein cynhal, am ein cadw,
Molwn Dduw ag uchel lef,
Ef a'n dalio nes i'n lanio
Draw ar draethau aur y nef.

Wedi colli gwen yr heulwen,
Wedi cilio goleu'r dydd,
Ni fachluda haul ein gobaith,
Ac ni lwfrha ein ffydd;
Yn yr hwyr gwnawn lawen ganu,
Trown yr hwyrnos yn fwynhad,
Ac yn ngoleu'r addewidion
Hwyliwn tua thy ein Tad.

Nodiadau