Telyn Bywyd/Y Mwnwr

← Yr Hen Fanerau

Telyn Bywyd gan Robert David Rowland (Anthropos)

Y Bardd a'r Cerddor →

Y Mwnwr.
(The Miner).

I.
I LAWR, i lawr, yn y mwnglawdd mawr,
O olwg y byd yr af,
O doriad dydd hyd yr hwyrnos brudd,
A byr yw y gorphwys gaf.
Y disglaer haul a oleua'r nen,
Drwy'r hafddydd teg ei wawr,
Ond oer ei wedd, fel y tywyll fedd,
Yw dyfnder y mwnglawdd mawr.
I lawr, i lawr, yn y mwnglawdd mawr,
Lle na ddaw awelon mad,
O fore i hwyr, ac ychydig wyr,
Am danaf o fewn y wlad.

II.
Ond ing a braw dry y fron yn friw
Pan ddaw'r danchwa ar ei thro,
A chwmwl prudd a orchuddia'r dydd
Ac ochain a leinw'r fro-
Leinw'r fro.

III.
Mor wych fyddai cael y tiriondeb hael
I ddangos ei hun bob awr,
At y gweithiwr sydd, dan gysgodau prudd,
Yn nyfnder y mwnglawdd mawr,
Yn nyfnder y mwnglawdd mawr.

IV.
I lawr, i lawr, yn y mwnglawdd mawr,
Lle na ddaw awelon mad,
O fore i hwyr, ac ychydig wyr
Am danaf o fewn y wlad.
I lawr, i lawr,
Yn y dwfn, dwfn lawr—
Dwfn lawr!