Telyn Bywyd/Y Siaced Fraith

Telyn Bywyd

gan Robert David Rowland (Anthropos)

Siaced Fraith.

I.
MAE'R Gwanwyn yn dod
I wisgo'r coed,
Bob un yn ei siaced fraith:
Mae'r boreu mor fwyn,
Awn, awn tua'r llwyn
I weled y Gwanwyn yn gwisgo-
Ei blant yn eu siaced fraith.

II.
Mae'r goedwig fu gynt,
O flaen yr oer wynt,
Yn rhynu, a'i llygaid yn llaith,
Yn gwenu yn awr
Dan gusan y wawr,
Gan wisgo ei siaced fraith.

III.
Ha, ha ha ha, meddai dail y llwyn,
A'r blodau ŷnt oll yr un iaith,
Mae deilen a blodyn, yn moli y Gwanwyn,
Pob un yn ei siaced fraith.

IV.
Plant y Gwanwyn ydym ninnau,
Wedi cychwyn ar ein taith,
Canwn emyn foreu Gwanwyn—
Emyn dlôs y siaced fraith:—
Siaced fraith y Gwanwyn!
Mor newydd ac mor lân,
A'n bywyd ni, yn ei harddwch hi,
A fyddo'n llawn o gân."

V.
Ha, ha ha ha! meddai dail y llwyn,
A ninnau adseiniwn yr iaith;
Mae'r Gwanwyn o hyd yn galw y byd
I wisgo ei siaced fraith!

Nodiadau