Tudalen:Beirdd y Bala.pdf/46

Oddi ar Wicidestun
Gwirwyd y dudalen hon

Goreu gwr, ffurfiwr ffeirfaip,
Am ymdrin a meithrin taip.

Aed ar led lifed oleufaip—had ferw,
Ryd Feirion yn frasfaip,
Ac yn Arfon gynnar-faip,
A gwlad Fon yn glwyd o fap.

Cal had afrifiad o freu-faip,—a dwg
Im ddigon o goch-faip,
Tirfiaf yn pori ter-faip,
Cael maeth wrth yfed cawl maip.

Ar eu canfed y bo cyn-faip—Gruffydd,
Gŵr hoffus ei blan-faip,
Gwnawn geirdd, wych-feirdd, i'w iachfaip.
Ebrwydd fawl am beraidd faip.

v. YSTYRIAETHAU

Ar addewidion Duw i Israel am Ganan, ac yn ysbrydol pererindod y Cristion i'r Ganan nefol.

Pererin gwael wyf fi o'r llwch
Yn teithio anialwch Paran.
Yn ffoi i'r Aifit rhag Pharo a'i lid,
Ac ennill rhyddid Canan.

Yr hyn nis gallaf ar fy nhaith
O'm nerth a'm gwaith fy hunan,
Y Prenin sydd i'm galw'n nes
I mewn i'w gynnes Ganan.

Efe a draethodd act y gras,
Pan oeddwn gas ac aflan;
Cawn fynd er maint y storm a'r stwr
Drwy ganol wr i Ganan.