Gwnawn weddiau â glân galonnau,
Ac â dibaid gydwybodau,
Am drugareddau a gras;
Gan ddeisyfu ar oesawl Iesu
Am rad in i ymwaredu
Rhag pechu a chablu a chas;
Rhown elusen ymhob man
Lle gwelir gwan ac unig,
A Duw a dâl yn ardal ne,
A'i ddonie bendigedig;
Wrth rannu er mwyn Iesu y gallwn brynnu braint
Yn nhrigfan arbennig y dewisedig saint.
Mil, saith ganmlwydd, a dau wythmlwydd,
A dau ar ddeg a ddigwydd,
Yw oed ein Harglwydd ni;
Rhown ogoniant rhywiog union,
Mewn modd cofus i Dduw cyfion,
Am roddion mawr di-ri;
Mawr glod i Dduw yn nefoedd fawr,
Ar ddaear lawr tangnefedd,
I ddynion ew'llus da di-ludd,
A bendith fydd heb ddiwedd;
Dwg unwaith ni i ganol dy freiniol nefol nyth,
I'th garu a'th foliannu mewn byd a bery byth.
—EDWARD SAMIWEL a'i cant.
