Neidio i'r cynnwys

Tudalen:Blagur Awen Ben Bowen.djvu/100

Oddi ar Wicidestun
Prawfddarllenwyd y dudalen hon

Chwith yw eglwys Nebo hebddi,
Wylo mae a'i bron yn brudd;
Ramah ydyw hi mewn cynni,
Ocheneidiau dwysion rydd;
Rahel ydyw wedi colli
Plentyn fagwyd ar ei bron;
Prudd-der sydd yn ei hamgylchu,
Ac ni fynna fod yn llon.

Ond wrth gofio, ei duwioldeb
Y mae modd i lawenhau;
A thrwy hynny, beichiau trymion
Galar sydd yn ysgafnhau;
O paham y collwn ddagrau
Myned gartref wnaeth uwch clwy';
Ac yng ngwlad yr aur delynau
I'r hoff Iesu rhydd folawdau
Yn ddiangol rhag saeth angau;
Ni sy'n nod i'w saethau mwy.

II.
Awn yn ol yng ngherbyd Hiraeth
I'w gweld hi pan yn ei chryd;
Gwawr wir ddenol o athrylith
Brydferth ddawnsiai yn ei phryd;
Yr oedd rhywbeth yn ei thremiad
A chwareuai delyn serch,
Rhywbeth oedd uwchlaw desgrifiad,
Droai'n fwyn y mwyaf erch.

Fel mae'r wawr yn deg hysbysydd
O gyfodiad hardd yr haul,
Ac fel rhag-fynegir 'stormydd
Drwy sobreiddiwch pur y dail,
Felly hefyd ydoedd hithau
Pan yn wyryf ieuanc, lon;