Prawfddarllenwyd y dudalen hon
O! fel y carwn fwynhau
Rhewynt ac eira fy ngwlad;
Mae heulwen Affrig yn fy nghryfhau;
Ond Cymru rydd imi foddhad.
Yng Nghymru yr oedd ei galon cyhyd ag y bu yno. Yr oedd gormod o Gymru yn ei galon i'r Affrig gael nemor o le ynddi.
Dydd Mawrth, Ionawr 28ain, 1902, ysgrifennodd o Kimberley y nodiad canlynol, a chydgordia hyn a'r oll a ysgrif— ennodd, ac a'i farwolaeth foddlongar,—"Dywedodd Dr. Symonds wrth Mr. Moss neithiwr fod fy lung dde yn waeth nag y carai efe ddweyd wrthyf ei bod. Rhaid gwneud y goreu o un, a phe ai honno, mi blygwn yn dawel i law Duw a marw."
Gwyddai yn dda, fel y desgrifiodd Eifionnydd ef un tro,—
"A'i lung yng ngafael angau."
Lawned o fywyd oedd ei galon er hynny.
