Prawfddarllenwyd y dudalen hon
Pam na cha prydferthwch tyner
Ymbriodi gyda chryfder?
Pam mae ofn yng ngwên y lili
Wrth anadlu anfarwol dlyeni?
Sethrwch lili'n sain dan draed
Cewch ei nôdd yn toddi i'ch gwaed.
FY NGHAPEL.
"I'R Byd medd Cristionogaeth;
A gwelaf eglwys gref
Yn plygu mewn gwarogaeth
I'r fythol effro lef.
O risiau gorsedd Rhufain
Hi fynn esgynfa fawr.
. . . . . . . . . . .
1900. (Anorffenedig).
GOBAITH.
MOSES erbyn pob anialwch,
Caleb wedyn leinw'i le,
Geidw esmwyth dyner heddwch
Yn rhagluniaeth dlos y ne';
Dull pedwerydd ym mhob ffwrnes,
Angel yn y ffau o hyd
Yw dy gwmni, Obaith tyner,
Inni ar ein taith trwy'r byd.
Ym mhob gaeaf, haf a'i wenau
Welwn oll yn dod o draw;
Os ŷm weithiau'n "hau mewn dagrau,"
Medi mewn llawenydd ddaw;
