Prawfddarllenwyd y dudalen hon
SIOM.
Y MAE Gobaith yn siomedig o dan draed fel dalen wyw,
Prin mae dim yn gysegredig ond y bedd yng nghysgod Yw.
1903.
LLWYBRAU ANRHYDEDD.
GAIFF pererin ga yn emyn
Pantycelyn lan,
Nerth i'w teithio—swnio'r delyn?
Daro cân?
1902.
DUWDOD CRIST.
Yм mhyrth ei ddyndod
Y profai ei Dduwdod.
Awst, 1898.
DESC YSGRIFENU.
(Y Parch. D. Rhydderch, B.A., Capel Seion,
Pontyberem yn awr).
ANHAWDD yw i awen dderch—beidio gweld
Byd gwyn yma'n annerch:
Un hwylus iawn o law serch
Yw, a roddwyd i Rydderch.
YR YMGNAWDOLIAD.
O! GADDUG sy'n ddatguddiad—oni ddeil
Ynddo'i hun esboniad;
Moroedd o Iawn am ryddhad—Dyn a Duw
Ac un yw Diluw yr Ymgnawdoliad.
Awst, 1898.
