Prawfddarllenwyd y dudalen hon
TACHWEDD II, 1928.
DAETH Tachwedd eto yn ei dro
Tros erwau llwydion Cymru,
Rhaid cofio'r plant y sydd yng ngro
Yr estron pell yn pydru.
Mae'u henwau ar y golofn fud
Mewn llawer llan a phentref,
Ond wedi'r oll mae telyn ddrud
Yng ngholl. yng nghân y cartref.
A'r miloedd heddiw'n llwm eu gwedd
Hyd ffyrdd ein gwlad yn crwydro,
Fu'n rhoi i rywrai esmwyth sedd
Ymhell o sŵn y brwydro.
Rhaid rhoddi'r cleddyf yn y wain
A bario safn y fagnel,
A phlannu blodau yn lle drain
Hyd erwau gwaedlyd rhyfel.
Ein gweddi ä at Orsedd Duw
Am weled deffro'r Senedd,
Fel câ'r cyffredin hawl i fyw
Tan faner wen Tangnefedd.
Beth os mae'r ddraig sydd unlliw'r gwaed
Fynn hawlio lluman Prydain?
