Prawfddarllenwyd y dudalen hon
Dihalog fro breuddwydion
Yn nyddiau cynnar oes,
Bryd gwyddwn bod angylion
Yn gwylio'r glan ei foes.
Hen ardal Aberhosan,
Meithrinfa llawer sant,
Ni lysg eu henwau allan
Tros byth yng nghof y plant;
'Rwyn falch o gael fy ngalw
Yn un o feib y fro,
A hyfryd wedi marw
Fa'i hunell yn ei gro.
Hen ardal Aberhosan,
Heb yn ei haddurn ffug,
Ac yntau'r hedydd bychan,
Delora yn y grug;
Tra'r wawr mewn ymdaith wisgi
Ym mraich ei Chrewr gwyn,
Bodlona hithau oedi
Wrth groesi'r bannau hyn.
Hen ardal Aberhosan,
Paradwys daear gron,
Fy nghalon dyn o bobman
I hudol eden hon;
Daeth 'stormydd blinion bywyd
Im gwarthaf ar fy hynt,
Aeth drud freuddwydion mebyd
Fel üs i'r pedwar gwynt.
