Prawfddarllenwyd y dudalen hon
DISGWYL YN OFER.
Yr haul oedd yn machludo
A'r llygaid dydd yng nghau,
Tra minnau'n disgwyl Gwenno,
Y fun ddeunawmlwydd honno,
I 'nghwrdd i'r oedfa ddau.
Mwyalchen fwyn delorai
Ar gangen uwch fy mhen,
Ar hynny clywais innau
Yn fiwsig ar fy nghlustiau,
Gerddediad ysgafn Gwen.
O tan y fedwen honno
Yng ngŵydd y blodau mân,
Bu yno hir gofleidio,
Ac ni bumi a Gwenno
Er hynny ar wahan.
Fy haul sydd yn machludo
A nghamau yn byrhau,
Ond ofer disgwyl Gwenno,
Y fun ddeunawmlwydd honno
I 'nghwrdd i'r oedfa ddau.
1926
