Prawfddarllenwyd y dudalen hon
Y DDAU DROSEDD.
AR wely llwm y tloty
Gorweddai'r dlysa 'rioed,
Hi ddathlodd yno ben ei blwydd
Yn un ar hugain oed.
'Roedd baban yn ei hymyl
Heb dad i'w arddel ef,
Ysgodd yr adyn drwg y cam
Heb gofio Duw y Nef.
'Roedd gore Duw mewn Gwanwyn
Tu faes yn gwenu'n llon,
Tra yr edwinai deuros drud
Ar ddeurudd telaid hon.
Mewn plas uwch-ben eu digon
'Roedd teulu yn gytun,
Tra bolltiai y rhieni'r drws
Yn dynn yn erbyn un.
Ar wely llwm y tloty
Bu farw 'r dlysa 'rioed;
Gadawodd mwy heb dad na mam
Ei phlentyn deufis oed.
