Prawfddarllenwyd y dudalen hon
POPETH TLWS.
DIFLANNODD y friallen
Dyfasai wrth y drws;
Mae Rhywun cyn y gaeaf oer,
Yn casglu popeth tlws.
Distawodd y telynnau
Oedd yn y goedwig werdd,
Mae Rhywun cyn y gaeaf oer
Yn casglu nodau'r gerdd.
'Rol cilio y friallen
A drud delynau'r coed,
Fe'i gwelais hi mewn arch yn mynd
I'r bedd yn ugain oed.
Dychwela'r gân i'r goedwig
A blodau hulia'r ddôl,
Ond ofer iawn ei disgwyl hi
O'r distaw fedd yn ôl.
Yng ngwanwyn euraid bywyd
Agorwyd iddi'r drws;
Mae Rhywun cyn y gaeaf oer
Yn casglu popeth tlws.
1927
