Prawfddarllenwyd y dudalen hon
DAFYDD WILLIAM.
YR athro a'r pregethwr,
Y 'sgolor gwych a'r sant,
Mor anodd rhoddi'r gweithiwr
I'r bedd yn hanner cant;
Hebryngwyd cyfaill dinam
I daith annychwel mwy,
Yn arwyl Dafydd William
'Roedd gwlad o dan ei chlwy'.
Adferir clwy'r ysgariad,
Anghofir eto'r graith,
Tra'r erys ei gymeriad
Yn fyw flynyddoedd maith;
Pam syrthiwn heddiw'i gwyno,
O'i golli, peidiwn sôn,
Diolchwn fwy amdano
I Dduw ac ynys Môn.
1927.
