Prawfddarllenwyd y dudalen hon
Y CAPEL BACH.
MAE'r capel eto'n aros
Yn yr anghysbell fro,
Mi deimlais Dduw yn agos
Yn hwnnw lawer tro;
Nid ydoedd yn ddi-hanes
Od oedd ei furiau'n llwm,
A'r deiliaid mor ddirodres
A hen annedd-dai'r cwm.
Wynebau eraill welir
Yn mynd a dod i'w hynt,
Ple'r aeth y seintiau cywir
A welais yno gynt;
Dwed meini'r fynwent agos
Eu rhoddi oll dan glo,
Tra'r capel eto'n aros
Yn yr anghysbell fro.
1927.
