Prawfddarllenwyd y dudalen hon
ROLI.
Bu Roli heddiw'n curo
Wrth gotai llwm y fro,
Daw ar ei drafel heibio
Yr ardal er cyn co';
Ac ni bu esgeuluso
Ynglŷn â'i raglen o.
Mae'n cludo nwyddau gwerthu
Mewn blwch tan ei fraich dde,
A'r cyfan wedi'u gwasgu
I 'chydig iawn o le;
'Does nemor yn masnachu
Onested ag efe.
Na fyddwch wrtho'n galed
Os geilw ar ei rawd,
'Deill Duw byth odde'i wele
Yn destun sen a gwawd;
Tra cofia Un fu'n cerdded
Heolydd byd yn dlawd.
Daw ar ei drafel heibio
Yr ardal er cyn co';
Ac os na eilw eto
Fel arfer yn ei dro,
Bydd hiraeth am ei guro
Yng nghotai llwm y fro.
1928.
