Llaw Duw a enill y dydd.
—Pwy?
Mae i dál Ef am dy lafur,
A medi gei am dy gur.
—TUDNO.
Daioni Duw.
Derbyn y mae dyn bob da,
Gwir iach, o law'r Gorucha.
—BARDD NANTGLYN.
Rhoddion Duw.
Rho'ed Duw gwyn yr hyn fo rhaid,
A Duw ranno da i'r enaid.
—LLYWELYN DDU O FON
Haelioni dyn a haelioni Duw.
Dyn a ran da yn ei raid,
Duw a ran da i'r enaid.
—GUTO'R GLYN.
Bendithion Duw i'w bobl.
Daw o law Duw Elias,
Oddi fry, i ti wledd tras.
—TEGAI.
Daw o law Naf, dal yn ol—bendithion,
Eto yn afon o fwyniant nefol.
—GWILYM ERYRI.
Gofal Duw am y tlawd.
Na chynilwch, anwylyd,
Tâl Duw gost y tlawd i gyd.
—DEWI WYN O EIFION
Moliannu Duw.
Pa glod sy'n ormod i Ner?
—GORONWY OWEN
Mydrwn glod, eurglod Arglwydd,
Moler y Sanct,—mael yw'r swydd.
—THOMAS JONES, Dinbych.
