Prawfddarllenwyd y dudalen hon
Telyn Duw.
Un nodyn o delyn Duw
I addolwr, dry'n ddiluw;
I awen y dyn newydd
Dafn yr Ior yn fôr a fydd ;
Efe a dynn o'r isaf dant
I'w fynwes buraf fwyniant.
—MACHRETH.
Rhoddes Duw urddas y dydd
I ddwylo ei addolydd.
—ISLWYN.
Byth Duw.
Y mae'n well, be deallyn,
Byth Duw, na gobeithio dyn.
—SION TUDUR.
Gwell Duw a dyn.
Gwell doniau na gwyllt ennyn,
Gwell yw Duw na gallu dyn.
—WILLIAM LLEYN.
Duw bia parch.
Cofier, ar ol pob cyfarch,
Nad i ddyn y perthyn parch.
—GORONWY OWEN.
"Sancteiddier dy Enw."
Beth a wnawn—ein bathau ni—
Eiddilod, ond addoli?
—EIFION WYN.
Canu i Dduw.
Nid a dydd awenydd war
Faetho Dduw fyth i ddaear.
—TWM O'R NANT.
Credu i Dduw.
Cu iawn i bawb cyn eu bedd
Goelio i Dduw, rhag gwael ddiwedd.
—SION CENT
