Gwirwyd y dudalen hon
"Glywais ti 'r stori honno am yr hen Ffinn, arwr y Gwyddelod, a'i gi?" gofynnais.
"Naddo. Sut y mae hi?"
"Wel, dyma hi. 'Roedd Padrig Sant yn pregethu i Ffinn a'i wroniaid am y nefoedd, ac yn deyd y fath le gogoneddus a hyfryd oedd yno. Pagan oedd Ffinn, wyddost, ac yr oedd yn gwrando 'n astud. O'r diwedd, eb efô, —
'Ga i fynd â fy nghi gyda fi i'r nefoedd yma?'
'Na,' ebr Padrig, 'fydd yno ddim cŵn yn y nefoedd.'
'H'm!' ebr Ffinn, ' 'does arna i ddim eisio mynd yno ynte!' "
"Go lew fo, go lew fo! Ie, 'd elwy fyth o'r fan yma!" ebr fy mrawd, gan blygu i lawr ac anwesu Twrc, rhag i mi weld y deigryn oedd yn ei lygad.
