Tudalen:Can neu Ddwy.pdf/54

Oddi ar Wicidestun
Gwirwyd y dudalen hon

Yna llwydwyll Carn Llidi
Gyda'r hwyr, a'i gwydrau hi
Yn llam tua'r machlud llosg,
A'i daear fel pe’n diosg
Y gwyrdd i wisgo harddaf
Borffor a rhos hwyrnos haf,
A gloywon ymylon môr
Yn gyrru tros ei goror
Ar hedd ei mynor weddi—holl aur drud
Y machlud ar hyd ei cheinder hi.
Gwylio, rhodio, hir oedi—nes i'r nos
Ddwyn rhos yr hwyrnos oddi arni.