Prawfddarllenwyd y dudalen hon
Ac wyneb gwenog at y ddaear chwidr,
I ddenu dyn i gysgod fel y pwll;
Ac wyneb haearn at yr Annwn drist
I danio'r lle à llewych glas ei threm?
"Hon yw mam Angau," ebr f'arweinydd hy,
"A mam drygioni a thrueni'r byd."
Eithr nid oedd raid, cans gwelswn ar ei thâl
Argraff fil dyfnach na barnargraff Cain:
"Myfi yw Pechod." Ac ni phaid rhyw ias
O'i harswyd â bod arnaf hyd fy medd.
Rhagfyr, 1900.
