Prawfddarllenwyd y dudalen hon
Disgwylit am ei ddyfod
Drachefn i'w fro ei Hun;
Ni welit yno'n elyn
I'r Nasarethiad un-
Y mwynach fil na bun.
Eithr ow, dy siom a'th bryder!
Nid oedd i'th Broffwyd ffydd
Mewn man lle bu ei fywyd
Mor hoff â'r awel rydd,
Mor dêr ag anterth dydd.
Ond rhoes llawenydd Cana
Ail-fywyd ar dy fin,
Pan welaist ddwfr yn gwrido
O ganfod gloywach rhin-
Yn gwrido'n felys win.
A gwelaist gŵr gogoniant
Un a ddug londer nef
I gwpan chwerw daear,
A godai aethus lef
Gyhyd amdano ef.
O fin y môr ei eiriau
A ddygid draw i'th glyw;
Ac nid oedd mwy llawenydd
Nag oedd i'th galon wyw,
Ond mawr lawenydd Duw.
