Prawfddarllenwyd y dudalen hon
F'ADERYN
O dirion aderyn,
Pa le mae dy nyth?
A minnau'n laslencyn,
Mi ddeliais i'th ddilyn
A ddaliaf di byth?
Yn hardd, ar yr onnen
A ffiniai â'r coed,
Mi a'th welais, a'th bluen
Fel enfys yr wybren
Brydferthaf erioed.
Dilynais di'n ddyfal
Ar siwrnai hirfaith,
Trwy diroedd amryfal,
Yn ardd ac yn anial,
Heb ennill o'r daith.
Ti sefi, rai prydiau,
Er mwyn imi fod
Yn ymyl dy liwiau,
A chlywed dy geinciau,
A chanu dy glod.
