Prawfddarllenwyd y dudalen hon
M. A.
Ei llawen bryd
A wnai yn oleu'r man lle b'ai,
Ac yn ei gwydd diffaethwch âi
Yn siriol fyd.
Enillodd hi
Y'nghalon pawb a gaffai'r wledd
Am wir ddoniolwch tlws ei wedd
Yr uchaf fri.
Ah! nid oedd dwyll
O dan y ffraeth lawenydd hwn;
A dangos serch yn dwyn ei bwn
Wnai'r prydferth rwyll.
M. A. H.
CYFUNIAD hardd
O londer a thynerwch blydd
Oedd hi, ac o'r hyfrydwch sydd
Yn llenwi gardd.
Fe welsoch chwi
A minnau chwerthin bore clir
O wanwyn ieuanc: felly'n wir
Ei chwerthin hi.
Fe welai pell
Gymdeithion ynddi fwynder tês;
Fe welem ni gaem fynd yn nes
Y pethau gwell.
