Prawfddarllenwyd y dudalen hon
K. L.
A'i geiriau'n brin,
Mynegai hi ei chalon fwyn
Drwy drem a gwên o ryfedd swyn
Oedd hudol in'.
Ac yn ei thŷ
Perffeithrwydd hardd o wraig a mam,
Oleuai'r lle â nawsaidd fflam
I ninnau, fu.
Ymgomiem ni,
A'i llygaid hithau'n traethu mwy.
O, sawl cyfrinach wen aeth trwy
I'w thrigle hi!
E. L.
CARIADUS wr,
O feddwl glân ac ysbryd pur,
A'i gyfeillgarwch fel y dur,
Heb rith o stŵr.
Ei hoffedd ef
Oedd chwarae dawn, a chyd-fwynhau
Danteithion llên, a llawenhau
Y ffordd i'r nef.
O, eithriad ffrynd!
Pob rhyw ragoriaeth ynddo oedd;
A'm henaid roddodd orddofn floedd
O'i wel'd yn myn'd.
