"Fy Mrython dewr galon, o'm blaen gwelaf
Ein pwysfawr âlon, pwy saif wrolaf?
Yr anhalog waed ddiferyn olaf,
Redo'n frwd dros ein Brydain hyfrydaf.
I'r hynt o'ch blaen yr äf,-y cyrn chwythwch!
Ac ymwrolwch-dydd Cymru welaf!"
I'r gad y rhuthrent fel llif cornentydd,
Tyn oedd pob gewyn gan lidiog awydd,
Y taeog âlon rwygent eu gilydd
Yn ddiorphwysiad nes rhuddo'r ffosydd!
Y fantol drechol a drodd,
Arfeiddiawg drais orfyddodd;
Rhengau'r Brython, noethion wŷr,
Rwygwyd o flaen llurygwyr;
Egr frath mewn aml wladgar fron
Wnai'u llafnau miniog llyfnion.
I'r bedd rhuthrai Buddyg-yr arwres,
O law du ormes, rhag teimlo'i dirmyg.
Trymhawyd, rhwymwyd yr iau,
Yn dynach rhoed cadwynau,
Cynllunio, brwydro a brad-
Mwy o ymladd drwy'n mamwlad
Fu, nes i Rufain ysig
A llaw bres gael dryllio'i brig.
O Rufain! Rufain! pa ryfedd-i'r Nef
Droi'n ol dy anrhydedd;
I'th fwrw i lawr o'th fawredd,
A dwyn clod dy enwog gledd?
Scotiaid a Brithiaid brathog,
Plant Saxon a'u lluon llog,
Normaniaid yn danbaid wŷr,
A chalonog Lychwynwyr,
Yrent yr hen frodorion
Trwy drawsder, dan brudd-der bron,
Yma i ran lom o'r hen wlad,
I drist ing darostyngiad!
Och! och! ddydd o dywydd du,
Ac amrith loes i Gymru,
Pan ydoedd Iorwerth gerth gynt,
Yn ngyrfa ei gyngorfynt!
Diwrnod o drallod a roes
Egr ergyd y gwr hirgoes;
- Rough.
Q
