Prawfddarllenwyd y dudalen hon
Sant Ieuanc
Oer ing ni welodd erioed—na gwrid haf
Ar gwr dôl a glasgoed;
At leng y nef ieuengoed
Aeth yn sant deng wythnos oed.
Marw yn Hen
Wedi oes bur naturiol—hyd henaint
Dianaf a swynol,
Mewn gwisg wen aeth adre'n ôl
I fore'r byd anfarwol.
Ellis Wyn
Yntau a aeth yn blentyn—oddi yma
Trwy ryw ddamwain sydyn;
Ond trwy y gwynt a'r ewyn
Hola serch am Ellis Wyn.
'Does neb all osod blodau—yr haf aur
Ar ei fedd di-eiriau;
Huned, a phruddaidd seiniau
Tonnau a gwynt trosto'n gwau.
