Prawfddarllenwyd y dudalen hon
Griff Llewelyn
Y llynedd mi welais Griffith Llewelyn,
Ei lygaid yn lasliw, ei wallt yn felyn.
Yn ei olwg lednais a'i dremiad tawel
'Roedd nodau ei deulu, a golau'r capel.
Ond heddiw mae'i deulu o dan y cymyl,
Ac yntau yn huno yn sŵn y megnyl.
Caethiwa di, Arglwydd, ddwylo y gelyn
Darawodd un annwyl fel Griff Llewelyn.
Nid a'n Ango
Ei aberth nid â heibio,—ei wyneb
Annwyl nid â'n ango,
Er i'r Almaen ystaenio
Ei dwrn dur yn ei waed o.
