Prawfddarllenwyd y dudalen hon
Gau dy lygad, oleu gwyn,
rwy'n credu'n syn y gwelaf
ryw oleu gwan ar gwr y Rhos,
fel petai agos ataf.
Lle daw dwyffordd bell ynghyd,
mae goleu hyfryd tirion;
goleu ffenestr Prysgol yw;
gwn wrth ei liw yn burion.
Taw di wynt, taw dithau don,
i'r galon brudd gael gwrando;
fe glyw hono yn y man
ryw hen ymddiddan eto.
Yn d'ôl, oleuni, dithau wynt,
dos ar dy hynt ar d'union:
trom yw'r noswaith ar y rhiw,
ond trymach yw fy nghalon.
Mawrth, 21.
