Prawfddarllenwyd y dudalen hon
FY MRAWD, A GLYWI?
ar Shenandoah.
Fy mrawd, a glywi'r hogiau'n canu
—a nineu'n mynd adre'
cyn rowndio'r Horn yn ôl i Gymru?
—O hogiau mor deg edrych tuag adre'
A weli Harbwr San Francisco, (a nineu &c)
a'r Golden Gate o'th flaen di eto?
A glywi'r hogiau gylch y capstan,
a Rio Grand, a'r powls yn clician?
A wyt ti gyda'r hogiau'n canu?
A weli'r iard yn mynd i fyny?
A weli hwyl ar hwyl yn lledu,
a'r llong o danat yn cyflymu?
Fy mrawd dan gudd, a fedri weled
drwy'r Golden Gate, y môr agored?
Tach., 42.
