Prawfddarllenwyd y dudalen hon
Rhyfedd, meddai John, mi glywais
rywbryd yn yr oriau mân,
fronfraith ar goeden y buarth
yn bwrw ei enaid mewn cân.
Canu yn y tywyllwch,
dirgelwch mwya a fu—
tybed a welodd y fronfraith
y cyfaill yn mynd o'r tŷ?
A chofio am dano fo eto,
a chofio tra buon nhw byw;
os na cheid ei weled eilwaith,
daeth adgof atyn i fyw.
*****
Pregeth nos Sul mewn crandrwydd,
pregethwr yn B.A., B.D.,
huawdledd ysgubol a chanu,
roedd crefydd yn wir yn ei bri.
Yr organ ar ôl y bregeth,
a'r gynulleidfa fawr
yn canu yn orfoleddus
'Ymgrymed pawb i lawr.'
Roedd yr organ newydd ddistewi,
pawb wedi mynd yn awr
ond gŵr y tŷ capel yn diffodd
lamp ar ôl lamp yn y llawr.
