Prawfddarllenwyd y dudalen hon
Roedd y tyrchwr yn siarad ac yn cynnal ymchwiliad i gynnwys y ddwy esgid yr un pryd. Mae nhw yn hollol fel y rhois i nhw," meddai.
"Rhaid i chi fynd i gysgu 'rwan."
Ar hynny cychwynnodd Wil i lawr i fynd i'w glwyd ei hun. Pan oedd ar ganol y grisiau gwaeddodd gwraig y tŷ,—
"Pwy sy' 'na?"
"Fi," ebe Wil.
Be' ydi'r cyniwair sy' arnat ti heno? 'Sgidia pwy wyt ti'n ol 'rwan, os gwn i?"
"Sgidia Siams o gors y Foty," ebe'r gwas bach.
