Prawfddarllenwyd y dudalen hon
Y DALAR
Daeth aradr waedlyd y trinoedd
A'r gŵys ddinistriol i'r pen,
O'i hôl mae llu trueiniaid y byd
A'u dolef yn rhwygo'r nen.
'R ôl banllef y fuddugoliaeth
Gwelwyd fod bwyd yn prinhau,
Nid hap yw medi'r cynhaeaf drud
Ar ôl blynyddoedd o hau.
Cyn gwthio y swch i'r ddaear
Drachefn ystyriwn yn ddwys
Mai gwell yw trengi ar y dalar lom
Na thorri cyn goched cwys.
