Prawfddarllenwyd y dudalen hon
HIRNOS GAEAF
Ers llawer dydd yn hen fythynnod Cymru,
Yr oedd i'r hirnos araf ei boddhad,
A'r werin onest, cewri'r uwd a'r llymru,
A gaffai dreulio'r oriau mewn mwynhad;
Mor ddiwyd oeddynt hwy yn eu darbodaeth
Yn gweithio'n brysur ac yn nyddu'r cnu,
Neu ynteu'n darllen neu yn hel gwybodaeth,
A mawn y rhos yn goch ar aelwyd gu.
Mor llwm en byd, rhaid bod yn ddyfal-gynnil
A chyfrif y ceiniogau lawer gwaith,
Gweithient ymlaen i'r nos yn sŵn y pendil
Am angenrheidiau byw—heb foethau chwaith.
Daeth tro ar fyd, mae'r plant yn mentro 'u siawns,
Rhy fer yw'r hwyaf nos i'r ffilm a'r ddawns.
