Prawfddarllenwyd y dudalen hon
DILIAU MEIRION
AWDL IOSEPH
CAFODD Israel, hael wr hylon,—ddeuddeg
O heirdd wiwddoeth feibion;
Rhieddawg frodyr rhyddion
O'r un tad, y pen llâd llon.
Mab gwyl o'i wraig anwyla'—oedd Ioseph,
Ddieisior ei fwyndra;
Sef Rahel dawel a da,
Rywiog, weddus wraig wiwdda .
Ioseph, anwyl was hoff union—diwyd,
Fu'n deongl breuddwydion,
Dwyn a wnaeth, drwy arfaeth Ion,
I'r goleu fawr ddirgelion.
Ei frodyr, gan ddiofrydu, —godent
Yn giwdawd o'i ddeuta;
Mewn llid certh gwnaent ei werthu
I'r creulon faelyddion lu.
Hwythau i'r Aifft pan aethant — a Ioseph
Ddewisawl mewn meddiant,
Y llanc duwiol, siriol sant,
Warth oesawl, a werthasant.
