Prawfddarllenwyd y dudalen hon
Dy eiriau grasol llawn o rin,
Sydd well na gwin i'm genau;
Cyfnerthu maent fy enaid gwan
Rhag suddo tan y tonau.
Y DDAU ADEILADWR.
Gwyn fyd a adeilado'i dŷ
Ar Iesu, Craig yr oesoedd;
Ni syfi o'i le, er twrf pob ton,
Na rhuthrau mawrion wyntoedd.
Ond gwae a adeilado'i dŷ
Ar sylfaen dry'n dwyllodrus;
Pan ddel ystorm fe syrth i lawr,
A'i gwymp fydd fawr echrydus.
PA BETH YW DYN I TI I'W GOFIO!
O Arglwydd Dduw, pa beth yw dyn
I ti dy hun i'w gofio?
Na mab dyn gwael i ti un waith
Ymweled chwaith ag efo?
Ond er mor isel ac mor wael
Yr aeth wrth gael ei dwyllo,
Darparaist drwy'r cyfammod gras
Ymgeledd addas iddo.
Eiriolaeth Crist a'i farwol glwy'
A'i dyg i fwy anrhydedd
Na'r engyl glân, ardderchog lu,
Sy'n amgylchynu'r orsedd.
