Tudalen:Diliau Meirion Cyf I.pdf/59

Oddi ar Wicidestun
Prawfddarllenwyd y dudalen hon

Arddelwir y gwir dduwiolion—grasol,
Pan groesont yr afon;
Cânt fwynhau, trwy radau'r Ion,
Sywiol drigfanau Sion.

Dygir y gwaredigion—i wynfyd
Y wenfawr nef dirion,
Lle pynciant, lleisiant fawl llon,
I'w Prynwr a'u Pôr union.

Ond llidiawg droellawg drallod—a ddilyn
Addolwyr eulunod,
Diesgus, gynhyrfus nôd,
Ydynt i saethau'r Duwdod.

Pob addurn fedd Pabyddiaeth—â'n ufel
Yn afon marwolaeth;
Daw egwyl poenedigaeth—dra echrys,
I deulu'r chwil-lys a'u dwl or'chwyliaeth.

O! 'r fath ragor ryw forau—a welir
Rhwng duwiolaidd seintiau,
A'r rhai sydd yn rhydd barhau—mor ynfyd
Trwy eu holl fywyd mewn teryll feiau.


FFLANGELL I GENFIGEN

Ah! 'r hen ffyrnig genfigen—llawforwyn
Hyll fariaeth a chynhen;
Yn erch hi ladd ei pherchen—fel gwiber,
Gwae'r rhai a huder dan gŵr ei haden.