Tudalen:Diliau Meirion Cyf I.pdf/83

Oddi ar Wicidestun
Prawfddarllenwyd y dudalen hon

A gwir chwaeth eu geiriau chweg
Agorant galon gàreg.

Gwae'r dynion geir i'w denu—â bwriad
Wiberaidd o'u llygru;
Cyrcher i delm carchar du
Y gwylliaid i'w flangellu.


MARWNAD EVAN JAMES,
(IEUAN AP IAGO)

Bardd o Lanfachreth, swydd Feirion, yr hwn a ymadawodd â'r fuchedd hon Medi 18fed, 1804.

GALAR o bryd bwygilydd—a chroesau,
Echrysawl ystormydd,
Rhyw chwerw boen a chur beunydd
Dwys iawn, i'm gorfodi sydd.


Angau, gawr nerthfawr ei nôd—gyrhaeddiff
Bob graddau i'r beddrod,
Gorfydd ei finiawg arfod
Bob dyn ar hynt, bawb dan rhod.

Dygodd fy ngharedigol—wir gyfaill,
Wr gwiwfwyn crefyddol,
Minnau gaf ofid mewnol
Mawr iawn yma ar ei ol.


Mewn hiraeth trwmgaeth bob tro rwy'n myfyr
Am Ifan ap Iago;
Wyf yn brudd o'iddwfn briddo
Mewn main rych yn min man ro.