A'i enaid wrtho'i hunan—sy etto
Ryw sut yn y purdan
Tan ei fai,—ond daw'n fuan,
Os gwir, yn bur glir a glân.
Wedi'i iawn buro a'i wneud yn barod,
A i fewn yn siriol heb fai na sorod,
At yr hen Babau, rhinau gorhynod,
Rhy' pawb le i Connell, 'be'r publicanod;
Yno bydd dan newydd nod—meddianna
Y man ucha' yn nghôr y mynachod.
- COFFADWRIAETH
AM Y DIWEDDAR BARCHEDIG SAMUEL JONES
Gweinidog yr Eglwys Annibynol yn Maentwrog,
swydd Feirion.Bu farw Tach. 1, 1843, yn 25 oed.
Gwelir prudd-der ac alaeth—yn fynych,
O fewn y wladwriaeth;
Dan alar ceir dynoliaeth,
Gan gur blwng mewn cyfwng caeth.
Angau certh, anferth eonfawr—astrus
Ddinystrydd dieisawr,
A orfydd â'i law erfawr
Fywydau holl lwythau'r llawr.
Hyf anturio i Faentwrog—a ddarfu
A'i ddirfawr saeth dreiddiog;
Ei nôd oedd pur weinidog—efengyl,
Ah! 'n Samwel anwyl, un syw molwynog!
