Prawfddarllenwyd y dudalen hon
GYDA'R HWYR.
Mi welais goeden unig,
Gyda'r hwyr,
A'r dail yn wyrddlas irdeg,
Gyda'r hwyr;
Ac ami 'roedd aderyn,
A hwnw'n ddu bigfelyn,
Soniarus oedd ei delyn,
Gyda'r hwyr;
A'i nefoedd ar y brigyn
Gyda'r hwyr.
Mi welais rosyn prydferth,
Gyda r hwyr,
Yn gwywo yn y llwydrew,
Gyda'r hwyr;
Edrychais dan ei aeliau,
A gwelais gysgod angau,
Yn dyweyd heb dori geiriau,
Gyda'r hwyr,
Mai byr yw f'einioes innau
Gyda'r hwyr.
Mi welais fwthyn glanwedd,
Gyda'r hwyr;
Wrth droed y bryn cyfagos,
Gyda'r hwyr;
O'i fewn 'roedd merch amddifad,
A deigryn yn ei llygad
Yn dod o ddyfnder cariad,
Gyda'r hwyr,
Dolurus oedd ei theimlad,
Gyda'r hwyr.
Mi welais yn y fynwent.
Gyda'r hwyr,
Ddwy fedd o dan yr ywen,
Gyda'r hwyr;
