Prawfddarllenwyd y dudalen hon
ENOC HUWS.—"Ha, ha, ha. Wel, yn wir, Mr. Jones, un garw ydach chi. Welis i erioed eich sort chi. Mi treiaf o, beth bynnag."
JONES Y PLISMON.—"Mae o'n siwr o ateb y diben. A 'rwan. rhaid i mi fynd, Mr. Huws, achos mae hi'n Review Day."
ENOC HUWS.—"Hoswch, wn i pryd y do'i allan o'ch dyled chi, cymerwch hwn 'rwan." (Yn rhoi sofren yn ei law).
JONES Y PLISMON (yn edrych ar y sofren yn ei law ac yn troi llygad cellweirus ar ENOC HUWS).—"'Rydach chi'n rhy haelfrydig, Mr. Huws. Ydach chi am i mi reteirio o'r force ar unwaith? Wel, 'does gen i ond diolch yn fawr i chi, a chofiwch fy mod i at eich gwasanaeth, Mr. Huws."
ENOC HUWS.—"Peidiwch a son, fe gawn siarad eto. Good morning."
[Y LLEN YN DISGYN].
Diwedd y Drydedd Act.
