Prawfddarllenwyd y dudalen hon
CÂN PROFIAD
Mrs. Ann Jones, Liscard, wrth nesu at ei chant oed.
RHOF glod i Dduw am bopeth
Dderbyniais ganddo erioed.
Tywysodd fi drwy'r anial
I ymyl canmlwydd oed.
Fy llaw rof uwch fy llygaid
I dremio i'r pellter maith.
Rhyfeddaf hyd y llwybyr
Dramwyais ar y daith.
Bu gennyf gynt gyfeillion—
Gwyr mawr o nôd a bri.
Mae gennyf ffrindiau eto
Sy'n dirion wrthyf i.
O, Iesu, Ffrind fy mywyd,
Ymafael yn fy llaw,
Ac arwain fi pan fynnech
Drwy'r glyn i'r ochor draw.
Er bod blynyddoedd lawer
Yn faich i mi yn awr,
Fydd canmlwydd ddim ond munud
Ym mro y gwynfyd mawr.
