Prawfddarllenwyd y dudalen hon
YN AWR Y FRWYDR.
O BOB rhyw fro heddychol,
O bob rhyw aelwyd glyd,
Rhown floedd i lonni'r bechgyn
Sy'n gwaedu dros y byd.
Y gelyn creulon, bostfawr,
A heria ddaear gron.
Mae gweniaith ar ei dafod,
Ond dichell sy'n ei fron.
Fe dwyllodd Rwsia ehud.
Myn gael y byd yn sarn.
Mae Belgium a Rowmania
A Serbia dan ei garn.
Dynesa atom ninnau.
Pair hyn i'n henaid fraw.
O, Dduw, rho nerth i'n bechgyn
I gadw'r gelyn draw.
Pan rwymir ysbryd gorthrwm
Sy'n sarnu hawliau dyn,
O, Iesu Mawr, gwna lwythau'r llawr
Yn deulu it Dy Hun.
Gwanwyn 1918.
