DAU BENNILL AR "TRIBAN MORFUDD."
A fedd synwyrau diau dowch,
Ar undeb trowch i wrando
Yn un fwriad gan fyfyrio
Fel mae'n llethrog ddydd yn llithro,
Ni rusir mono i aros mynyd,
Gwalch ar hedfan, edyn buan ydyw'n bywyd
I ba beth y gwnawn ein nyth
Lle na chawn byth fwyneidd-dra?
Llong ar dymestl yw'r byd yma,
Rhyw groes ofid a'n croesawa;
Os heddyw dyddia byr ddedwyddwch,
Cawn gylchynu cyn y fory ag annifyrwch.
Pa beth yw mawrion beilchion byd?
Yr iachol fron a'r uchel fryd,
Y luniog eneth lana' i gyd
Hi ddaw i hirfyd oerfedd;
Ni chymerir parch a mawredd
Mwyn er golud mwy na'r gwaeledd;
Unrhyw brenin a chardotyn,
Unrhyw gwawr y cawr a'r coryn,
Mae gyrfa dyn yn gryf un dynied
yn genlli daw o Eryri'r dwr i waered.
Mae llawer profiad treigliad tro
Ar ddyn o hyd o'i gryd i'r gro,
Mewn rhyfel drud a'r hyd tra b'o,
Gan geisio ynddo gysur;
Ar ei galon ddilon ddolur
Am ail yfed mwy o lafur,
|
